ԱՐՏԱՍՈՎՈՐ ԵՂՋԵՐՈՒՆ
Ասենք ինձ հետ ավելի հրաշք բաներ են պատահել:
Գնում եմ մի անգամ անտառով և անուշ անում ճանապարհին գնած քաղցր բալը:
Հանկարծ մի եղջերու դուրս եկավ: Ամրակազմ, գեղեցիկ, ճյուղավոր պոզերով մի եղջերու:
Իսկ ինձ մոտ՝ ոչ մի գնդակ:
Եղջերուն հանգիստ կանգնել, նայում էր ինձ. Կարծես գիտեր, որ հրացանս դատարկ է:
Բախտիցս մոտս մի քանի բալ էր մնացել, և ես հրացանս բալի կորիզով լցրի: Այո՛, այո՛, մի ծիծաղեք: Հրացանս լցրի սովորական կորիզով:
Հրացանը թնդաց, բայց եղջերուն միայն գլուխը թափահարեց:
Կորիզը կպավ ճակատին և ոչ մի վնաս չտվեց: Մի վայրկյանում նա անհետացավ թավ անտառում: Ես շատ ափսոսացի, որ այդպիսի գեղեցիկ կենդանուն ձեռիցս բաց թողի: Մի տարի հետո ես նորից որսի էի գնացել: Իհարկե, այդ ժամանակ ես բալի կորիզի պատմությունը բոլորովին մոռացել էի:
Ինչպե՜ս զարմացա, երբ անտառի խորքից ուղիղ դեմս դուրս եկավ մի հրաշալի եղջերու՝ պոզերի արանքին մի մեծ բալենի: Հավատացեք, որ շատ հրաշալի էր. ամրակազմ եղջերու՝ գլխին մի մեծ ծառ:
Իսկույն գլխի ընկա, որ այդ ծառը բուսնել է բալի այն փոքրիկ կորիզից, որով անցյալ տարի ես հրացանս լցրել և արձակել էի եղջերվի վրա:
Այս անգամ գնդակի պակասություն չունեի: Նշան բռնեցի, արձակեցի, և եղջերուն անկենդան գետնին ընկավ:
Այդպիսով, մի զարկից միանգամից ստացա և՛ տապակած միս, և՛ բալի կոմպոտ, որովհետև ծառը ծածկված էր խոշոր, հասուն բալերով:
Պետք է խոստովանեմ, որ այլևս այդպիսի համեղ բալ էլ կյանքումս չեմ կերել:
- Դուրս գրի՛ր անծանոթ բառերն ու օնլայն բառարանի օգնությամբ բացատրի՛ր։ Ինձ անծանոթ բառ չկա
- Լրացրո՛ւ բաց թողնված տառերը:
Ճանապարհ, քաղցր, վայրկյան
- Բառարանի օգնությամբ գտիր տրված բառերի հոմանիշ (նույն իմաստ) բառերը:
- Հրաշք – Զարմանալի
- Ճանապարհ – Ճամփա
- Իսկույն – Անմիջապես
- Ամուր – Ամրակուռ
- Բուսնել – Ծլել
- Խոշոր -Մեծ
- Բառերն այնպես դասավորի՛ր, որ նախադասություններ ստանաս:
Հրացանը թնդաց, բայց եղջերուն միայն գլուխը թափահարեց:
Նշան բռնեցի արձակեցի, և եղջերուն անկենդան ընկավ գետնին:
- Ի՞նչ ես կարծում, որսորդությունը, կենդանիներին սպանելը լա՞վ բան է: Ոչ, կենդանիներին սպանելը դատապարտելի արաք է։
- Շարունակիր պատմությունը: Հորինիր շարունակությունը, նկարիր Paint-ով, ապա սարքիր հեքիաթի գիրք power pont-ով կամ տեսանյութի ձևով՝ կցելով նկարներն ու տեքստը
Մի օր արթնացա ու տեսա, որ մահճակալս թռել ու անտառի դիմաց է ինձ կանգնեցրել։ Ես վախեցա, որովհետև անտառից ինձ նայում էին տարբեր կենդանիներ՝ օրինակ ես տեսա առյուծ, վագր, արջ, և օդում թռչող եղջերու։ Պատկերացնում եք օդում թռչող եղջերու։ Այդ եղջերուն թևեր ուներ, զարմանալի է չէ, բայց սա ամենը չէ։ Այդ եղջերուի գլխին աճել էր բալի ծառ, այո այո բալի ծառ էր աճել։ Չգիտեմ, որտեղից նա գիտեր, որ ես շատ եմ սիրում բալ։ Ի զանմանս ինձ նա մոտեցավ ինձ կռացրեց գլուխը և ինձ հասկացրեց, որ թողում էր ինձ իր վրայից բալ քաղել։ Ես քաղեցի և ինձ համար դա եղավ աշխարհի ամենահամեղ բալը։ Ես քնեցի և արթնացա իմ տանը, բայց բալի համը բերանումս էր։ Բալը այնքան համեղ էր, որ համը մինչ օրս մնացել է բերանումս։
Ես հասկացա, որ կենդանիներից պետք չէ վախենալ։ Եթե նրանց չվնասենք նրանք կարող են մեզ հետ ընկեր լինել։
Բարի գալուստ Գեղամ Գասպարյանի բլոգ 